اضحك تضحك لك الدنيا

اضحك تضحك لك الدنيا

واحد قال لمراتو : داك جارنا خان مراتو مع گاع عيالات ديال العمارة الا وحدة

.. قالت مراتو: ماتكون غير ديك المعقدة ديال فاطمة لي في السانكيام

1

الزوج : فيا الجوع

الزوجة : أنا مريضة

الزوج : ما عندك زهر، كنا غادي نخرجوا نتعشاو برا أنا وياك

الزوجة : ھھھهه كنت كنضحك معاك يالاه نمشيو نتعشاو

الزوج : حتى كنت كنضحك معاك سيرى وجدي لعشا

2

واحد المعلم سول واحد التلميد، قال ليه: أش بغيتي تكون فاش تكبر؟

قال ليه التلميد: بغيت نكون ولد الحرام.

قال ليه المعلم: علاش أولدي؟

قال ليه التلميد: حيت بابا فاش كيشوف شي حد عندو طوموبيل واعرة كيقول ليه: ولد الحراااااام

3

واحد جاتو الفاكتورة ديال الما غالية بزاف

عيط للشركة ديال الما قال ليهوم: أهياوينا، ياكما الشتا هاد العام على حسابي؟

4

واحد سميتو مبارك شرا حولي داخل بيه للدرب جارتو شافتو من الشرجم 

قالت ليه مبارك الحولي 

قال ليها خدوج النعجة

5

قال لك واحدة وصلت للقسم معطلة ..

قالها الاستاذ" أش هاد التعطال؟ ..

جاوباته: كان تابعني واحد كيبسال عليا .. 

قال لها الأستاذ : إيوا راه خاص توصلي بكري

ماشي تعطلي !!! 

جاوباته: لااا..راه كان كيتمشى بشويا .......

6

استاد ديما يسول دراري .. باش تعشيتو.. 

واحد دري ديما كيجاوبو بالحريرة .. 

واحد نهار قال ليه الا قلتي حريرة مرا خرا نعصي ولدي...

 دري قالها لباه.. باه قال ليه مني يسولك رد عليه بالدجاج ...

 الغد الاستاد سول الدري.. الدري قال ليه بالدجاج...

 سولو شحال من واحدة

.. قال ليه جوج زلافات